請點撃以助營運本網

2012年7月7日 星期六

【心得系列】高山症有幾可怕?

位於海拔 4,000 米,納木措是另一個誘發高山症熱點,聽講中招比率高過珠峰咁話

撰文、攝影︰潘蔚能  Travelzoo 香港主編
旅遊小貼士互動分享,立即登入:https://www.facebook.com/poonwainang

當有旅行的機會,第一時總會想去些刁鑽的地方,所以早前就選擇西藏作為目的地。一講到要去西藏,很多朋友都會好踴躍話你知小心高山症,一邊講你要點預備,一路講到有幾危險,再上網睇下資料仲混亂,提出十幾廿條配方叫你點預防,究竟信邊樣至真?

好老土咁講一句,好多野你未試過真係唔會知,臨出發之前,我依足所有人分咐、指示,仲打埋電話去衛生署問究竟要食咩藥會最好?但結果上到海拔5,000米珠峰大本營就出事,中左高山症。

疲倦是高山反應先兆

患上高山症原因係為我地平地生活,習慣呼吸大量氧氣,去到高地即係海拔2,500米以上,氧氣減少,身體機能再唔能夠正常運作,最終發展成腦水腫和肺水腫,嚴重者可致命。唯一方法是慢,減低身體消耗氧氣。因此只要慢慢提升高度,就唔會有事。

好!於是我選擇海拔二至三千米的西寧出發,坐青藏鐵路入拉薩,坐足兩日一夜入藏,經過七、八天西藏遊之後,身體一切正常,於是決定勇闖珠峰大本營!

起初去到目的地,真的感覺良好只不過氣喘一些,還在大本營拍照,等待珠峰從雲霧散開的真面貌,可惜當天下雨,唯有期待住過一晚等天氣好轉。山上什麼都冇,連廁所也最有中國特式的,冇辦法開大小都要戶外,反而比較舒暢。實在太無聊,行行企企搬石仔打發時間,又冇網上,實在悶得令人容易入睡。

不知不覺患上高山症

實在太悶了,返回帳幕之後就躺係床上,只覺愈來愈疲倦不知不覺入睡,本來訓完晏覺起身應該精神一點,但係我起身之後,覺得成個帳篷好焗,好冇空氣,於是走左出帳篷吹風呼吸一下。但出到去發覺仲眼訓,當時自己都唔知發生咩事,只係想再訓一覺,還記得當時一刻好想曬太陽,不由自主地坐在泥地上。我當時還有點意識,但開始控制唔到自己。突然之間,聽到我的導遊問我,有咩唔妥?我竟然還懂搖頭,仲可以用普通話:沒事、沒事。 ( 哈哈 )不過,我眼前景像開始漆黑,只聽到好多人不停大叫有人暈了、有人暈了。

當我再次有知覺時候,打開雙眼見到好多星星,隱約感覺到有兩個大漢左右扶著,聽到我的導遊問我還好嗎?一邊用手指好大力咁按住我右手的虎門位,真係好大力,但我冇痛既感覺,另一隻手指有人幫我測身體含氧量,而我前方又一個人把氧氣罩蓋上我的口鼻。當時我終於知道自己係患上高山症,腦係清醒但控制唔到身體,我知自己已經把一樽氧氣吸完,但仍然還未恢復,當時諗:唔通今次就咁死係山上?媽呀,我仲有好多野未做架。接住第二樽氧氣又送上,終於吸左半樽之後清醒,眼前景像突然變返光亮。睜開眼一看,原來幾十人圍住自己,場面壯觀。但亦係呢個時候,我既司機同導遊好快就抬左我上車,即使我話沒事,也立即開快車飛奔落山。

究竟點解佢地比我仲驚呢?太長篇,下集再講



相關文章:


中藥紅景天,話有助增加紅血球帶氧量
西藥防高山症藥,比中藥更快產生反應






















10 則留言:

  1. 去白朗峰我都有帶acetazolamide, 不過無食到. 因為只係留在山上兩三小時. 未有出現高山症. 做大一些的動作都勁氣喘. 只能放慢所有活動.

    回覆刪除
  2. 小雲,呢隻acetazolamide好彩你冇食,我好懷疑開呢隻藥既醫生都唔清楚有咩副作用產生,黎緊我會講我食完acetazolamide之後有咩感覺

    回覆刪除
  3. ,,,走左出帳篷吹風.....吹風是高反主因..一定一定要帶帽子.穿夠衫才外出..你問當地藏人就算熱到死都唔會打開個窗吹風(由其是坐車)..一定唔會有風扇

    回覆刪除
    回覆
    1. 其實我估唔出帳篷吹風一樣中招,因為我當時已經感覺呼吸唔到,仲開始冇力。其實,成個旅程都冇事,點知係珠峰至出事,真係有d遺憾。

      刪除
  4. 下集...下左去邊......

    回覆刪除
    回覆
    1. ha ha...下集一直想寫埋佢,點知有好多稿債未還,於是就丟埋一邊,如果大家有興趣我會盡快出埋下集

      刪除
    2. 版主, 快d 啦, 快d啦,好心急想睇埋下集呀!

      刪除
    3. 多謝捧場,我寫多篇澳洲之後,一於再續下集啦。

      刪除
  5. acetazolamide,係利尿藥 我食過,不過係d朋友昆我食,
    食完會手指麻痺,嚴重面部都會麻痺,最好問吓醫生穩陣d.
    我去過高原幾次,(包括珠峰,亞丁)一d事都冇 ,都算有心得.
    心得就係: 冇生病,慢,多飲水,低->高,禁吹風.

    回覆刪除
    回覆
    1. 講真我全程都冇食呢隻西藥,但就上珠峰前食,一心食左西藥可以會好d,點知仲差左。我想講,我個醫生其實都唔知隻藥有咩副作用,只係話食左會利尿,但原來仲有你所講既反應......我去到當地問朋友至知係呢隻藥反應。

      刪除