阿潘精品遊: 【試玩系列】臭渠變清流的神奇工程

一個城市要舉辦大型活動，總會有聲音指勞民傷財，面子工程，但有時候這些大型盛事，又並非完全一無是處。好似 2010 年廣州舉行亞運會，政府就將整個廣州市容煥然一新，除了有廣州塔落成之外，仲將本來冇左既地方變返出黎，其中有「明代羊城八景」之稱「荔灣涌」就係其中之一。

撰文、攝影︰潘蔚能 Travelzoo 香港主編
旅遊小貼士互動分享，立即登入：https://www.facebook.com/poonwainang

恍如時光倒流

廣州市民齊讚

上次試住The Westin Pazhou（廣交會威斯汀酒店 ) 就順道遊廣州一會，很多人問廣州究竟有咩好玩？相比十幾年前，現在遊廣州方便得多，因為有地鐵貫穿整個市，可以去到大部份景點，就算遠至番禺長隆樂園也一樣可以好快去到。廣州好大，要遊勻所有景點至少3至4日以上，如果只是一個三日兩夜行程，不妨可以去睇一個人造工程「荔灣涌」。

荔灣涌係位於西關，聽講以前這裡十分繁榮，在涌的兩旁種滿了荔枝樹，到了收成季節，夾岸紅荔，累累壓枝，因此有「一灣溪水綠，兩岸荔枝紅」的美譽。據聞這裡也是艇仔粥發源地，好多蛋家船係到賣粥，賣唱，非常熱鬧。不過，隨著人口愈來愈多以及工業化，河流也徹底被污染，變成一條臭河，政府用左一個治標不治本方法，把水道覆蓋，「荔灣涌」就成為老廣州既集體回憶。

小橋流水人家

咁靚環境好難想像以前係一條臭渠

廣州版的首爾清溪川

由於廣州申辦 2010 年亞運，政府耗資1 億元人民幣重新整理河道，「揭蓋復涌」計劃就此展開，全長 743 米的荔灣涌終於重現昔日景象。老實講，凡係人造工程好多時都過左火位，搞到三不象，不過荔灣涌今次又做得唔錯，坐的士時候司機大佬仲讚話呢個算係德政。

無錯，呢條小河好有南京秦准河影子，但就冇遊客人山人海感覺，亦冇極高商業化感覺，至少唔駛比人圍住要你買紀念品咁煩。小河寧靜，間吾中有一兩架載住遊客小艇慢慢經過，再加上華燈初上，好有古典情懷。河一邊有小店零售、又有小食店，但卻沒有食客喧鬧，販子叫囂。如果，秋天去我相信會更舒服，亦都係攝影發燒友拍攝好地方。